Летописный рассказ о сражении на Неве. Из Синодального списка первой Новгородской летописи старшего извода
Летописный рассказ о сражении на Неве. Из Синодального списка первой Новгородской летописи старшего извода
В л?то 6748 (1240). Придоша Св?и в сил? велиц?, и Мурмане, и Сумъ, и ?мь в кораблихъ множьство много зел?; Св?и съ княземь и съ пискупы своими; и сташа в Нев? устье Ижеры, хотяче восприяти Ладогу, просто же реку и Новъгородь и всю область Новгородьскую. Но еще преблагый, премилостивый челов?колюбець Богъ ублюде ны и защити от иноплеменьникь, яко всуе трудишася без Божия повел?ния: приде бо в?сть в Новъгородъ, яко Св?и идутъ къ Ладоз?.
Князь же Олександръ не умедли нимало с новгородци и с ладожаны приде на ня, и поб?ди я силою святыя Софья и молитвами владычица нашея Богородица и приснод?вица Мария, м?сяца июля въ 15, на память святого Кюрика и Улиты, в нед?дю на Сборъ святыхь отець 630, иже в Халкидон?; и ту бысть велика с?ча Св?емъ.
И ту убиенъ бысть воевода ихъ, именемъ Спиридонъ; а инии творяху, яко и пискупъ убьенъ бысть ту же; и множество много ихъ паде; и накладше корабля два вятшихъ мужь, преже себе пустиша и к морю; а прокъ ихъ, ископавше яму, вметаше в ню бещисла: а инии мнози язвьни быша; и в ту нощь, не дождавше св?та понед?льника, посрамлени отъидоша.
Новгородець же ту паде: Костянтинъ Луготиницъ, Гюрята Пинещиничь, Нам?сть, Дрочило Нездыловъ, сынъ кожевника, а вс?хъ 20 мужь с ладожаны, или мне, Богь в?сть. Князь же Олександръ съ новгородци и с ладожаны придоша вси здрави въ своя си, схранени Богомъ и святою Софьею и молитвами вс?хъ святыхъ.
Данный текст является ознакомительным фрагментом.